Գոլային հրավառություն «Էթիհադում». Սիթին հաղթեց Լեսթերին🎥

Գոլային հրավառություն «Էթիհադում». Սիթին հաղթեց Լեսթերին🎥

26/12/2021 - 21:32

Անգլիական Պրեմիեր լիգայի շրջանակում մեկնարկեց 19-րդ տուրը. «Մանչեսթեր Սիթին» «Էթիհադ» մարզադաշտում մրցեց «Լեսթերի» դեմ։

Պեպ Գվարդիոլայի սաները գրեթե կատարյալ առաջին խաղակեսն անցկացրին և նախքան ընդմիջման գնալը 4 գնդակ ուղարկեցին «աղվեսների» դարպասը. մեկական անգամ աչքի ընկան Կևին դե Բրոյնեն, Ռիյադ Մարեզը, Ռահիմ Սթերլինգն ու Իլկայ Գյունդողանը։

Բրենդան Ռոջերսի սաները երկրորդ կեսը կերպարանափոխված տեսքով մեկնարկեցին և 55-66-րդ րոպեների ընթացքում երեք գնդակ հետ բերեցին, իսկ գոլերն իրենց անվան դիմաց գրանցեցին Ջեյմս Մեդիսոնը, Կելեչի Իհեանաչոն ու Ադելոմա Լուկմանը։

Այդուհանդերձ, այս խաղում իրենց վերջին խոսքն ասեցին «քաղաքաբնակները», ովքեր նախ 69-րդ րոպեին Էմերիկ Լապորտի ջանքերով հաշիվը դարձրին 5:3, ապա 87-րդ րոպեին Ռահիմ Սթերլինգի ջանքերով` 6:3։

Այսպիսով, «Մանչեսթեր Սիթին» գերգոլառատ խաղում 6:3 հաշվով հաղթեց «Լեսթերին», վաստակեց 47 միավոր և վստահ գլխավորում է մրցաշարային աղյուսակը։

«Լեսթերը» մնաց 22 միավորով և զբաղեցնում է 10-րդ հորիզոնականը։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am

# , , , , , , , , , , ,

Մեջբերումներ անելիս ակտիվ հղումը Interfootball.am-ին պարտադիր է: Կայքի հոդվածների մասնակի կամ ամբողջական հեռուստառադիոընթերցումն առանց Interfootball.am-ին հղման արգելվում է: Կայքում արտահայտված կարծիքները պարտադիր չէ, որ համընկնեն կայքի խմբագրության տեսակետի հետ: Գովազդների բովանդակության համար կայքը պատասխանատվություն չի կրում:

© Interfootball.am 2022