Արսենալը ձախողվեց` 10 ֆուտբոլիստներով պարտվելով Բորնմութին 🎥
20/10/2024 - 00:34
Անգլիական Պրեմիեր լիգայի 8-րդ տուրում Լոնդոնի «Արսենալը» մրակցի դաշտում մրցեց «Բորնմութի» դեմ։
«Զինագործների» համար հանդիպումն անհաջող ընթացք ունեցավ, քանի որ արդեն 30-րդ րոպեին դաշտից հեռացվեց Վիլիամ Սալիբան։
Ունենալով քանակական առավելություն` տանտերերը խաղավերջում կարողացան երկու անպատասխան գնդակ խփել ու հաղթել։
«Բորնմութից» 70-րդ ու 79-րդ րոպեներին աչքի ընկան համապատասխանաբար Ռայան Քրիսթին ու Ջասթին Կլույվերտը։
Անդոնի Իռաոլայի գլխավորած թիմը հաղթանակից հետո 11 միավորով բարձրացավ 10-րդ տեղ, «Արսենալը» 17 միավորով երրորդն է։
Հ․Գ․ միացե՛ք Interfootball-ի Telegram-ի ալիքին https://t.me/Interfootball_am
Հ.Գ.Գ. Ֆուտբոլային մարզաշապիկներ կարող եք ձեռք բերել isport օնլայն խանութից