«Ատլետիկոյի» ֆիասկոն! «Լեգանեսը» հաղթեց մադրիդյան գրանդին 🎥

Իսպանական Լա լիգայի 20-րդ տուրում Մադրիդի «Ատլետիկոն» հյուրընկալվելիս մրցեց «Լեգանեսի» դեմ։

Առաջ ընկնելով` նշենք, որ խոշոր անակնկալ գրանցվեց. «Լեգանեսը» հաղթեց 1:0 հաշվով։

Հանդիպման միակ գոլը 49-րդ րոպեին խփեց սերբ պաշտպան Մատիա Նաստասիչը։

Նշենք, որ 90-րդ րոպեին մադրիդյան գրանդը կարող էր խուսափել պարտությունից, սակայն Անտուան Գրիզմանի իրացրած 11-մետրանոցից հետո գնդակը շեղ ընթացավ։

Այս խաղով ընդհատվեց բոլոր մրցաշարերում «ռոխիբլանկոսի» 14 անընդմեջ հաղթանակից կազմված շարքը։ Նախորդ անգամ Դիեգո Սիմեոնեի գլխավորած թիմը չէր հաղթել 2024 թ. հոկտեմբերի 27-ին, երբ Լա լիգայի 11-րդ տուրում 0:1 հաշվով պարտվել էր «Բետիսին»։

«Ատլետիկոն» 44 միավորով շարունակում է գլխավորել Լա լիգայի մրցաշարային աղյուսակը։ «Լեգանեսը» 22 միավորով բարձրացավ 15-րդ տեղ։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am

Հ.Գ.Գ. Ֆուտբոլային մարզաշապիկներ կարող եք ձեռք բերել isport օնլայն խանութից