Անչելոտի. «Մոտ մեկ ժամ Ռեալը հիանալի էր խաղում»

«Ռեալ Մադրիդն» ԱՄՆ Ակրինգթոն քաղաքում կայացած ընկերական խաղում 0:3 հաշվով պարտվեց «Բարսելոնային»։

Հանդիպումից հետո իր տպավորություններով է կիսվել «արքայական» ակումբի գլխավոր մարզիչ Կառլո Անչելոտին.

«Դրական շատ բաներ տեղի ունեցան այս խաղում։ Ընդհանուր առմամբ վատ չխաղացինք. լավ էինք պրեսինգի դիմում, ունեինք գոլային պահեր և բավական շարժունակ էինք դաշտում։

Բացասական բաներից կարող եմ առանձնացնել, որ առաջին խաղակեսում մեզ մոտ չէին ստացվում ստանդարտ իրավիճակները, իսկ հանդիպման խաղավերջում շատ էինք գրոհում, ինչի հետևանքով ևս երկու գնդակ բաց թողեցինք։

Մոտ մեկ ժամ «Ռեալը» հիանալի էր խաղում։ Ցավալի է պարտվել նման խաղով»,- իտալացի մասնագետի խոսքերը մեջբերում է Marca-ն։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am