Այաքսը ցանկանում է թիմի մարզիչ Տեն Հագի հետ պայմանագիրն երկարացնել մինչև 2024 թվականը

Այաքսը ցանկանում է թիմի մարզիչ Տեն Հագի հետ պայմանագիրն երկարացնել մինչև 2024 թվականը

18/04/2019 - 17:13

«Այաքսը» մտադիր է նոր պայմանագիր ստորագրել թիմի մարզիչ Էրիկ տեն Հագի հետ:

49-ամյա հոլանդացի մասնագետի գործող պայմանագիրն ուժի մեջ է մինչև հաջորդ մրցաշրջանի ավարտը: Ակումբը ցանկանում է նրան առաջարկել 5 տարով նոր պայմանագիր:

Ինչպես հայտնում է De Telegraaf-ը, ամստերդամյան ակումբի սպորտային տնօրեն Մարկ Օվերմարսը հայտնել է, որ բանակցությունները կսկսվեն մոտ ժամանակներս:

Տեն Հագը «Այաքսին» դուրս է բերել Չեմպիոնների լիգայի կիսաեզրափակիչ, որտեղ թիմը կմրցի «Տոտենհեմի» հետ:

Հոլանդիայի առաջնությունում անցկացրած 30 տուրերի արդյունքում «Այաքսը» 74 միավորով «ՊՍՎ»-ի հետ կիսում է 1-ին հորիզոնականը:

Ակումբը նաև մայիսի 5-ին կմրցի «Վիլլեմ-2»-ի հետ Հոլանդիայի գավաթի եզրափակչում:

Մեջբերումներ անելիս ակտիվ հղումը Interfootball.am-ին պարտադիր է: Կայքի հոդվածների մասնակի կամ ամբողջական հեռուստառադիոընթերցումն առանց Interfootball.am-ին հղման արգելվում է: Կայքում արտահայտված կարծիքները պարտադիր չէ, որ համընկնեն կայքի խմբագրության տեսակետի հետ: Գովազդների բովանդակության համար կայքը պատասխանատվություն չի կրում:

© Interfootball.am 2022