Ֆանտաստիկ թրիլեր Բունդեսլիգայում. Վերդերը անհավանական comeback արեց Հոֆենհայմի դեմ խաղում 🎥

Գերմանական Բունդեսլիգայի 5-րդ տուրում Բրեմենի «Վերդերը» արտագնա խաղում մրցել է «Հոֆենհայմի» դեմ։

Հանդիպումը շոկային մեկնարկ է ունեցել, քանի որ արդեն 12-րդ րոպեի դրությամբ «Հոֆենհայմը» հաղթում էր 3:0 հաշվով։

Զինսհայմը ներկայացնող ակումբից դուբլի հեղինակ էր դարձել Մարիուս Բյուլտերը, Ադամ Հլոժեկն էլ աչքի էր ընկել մեկ անգամ։

Տանտերերը 18-րդ րոպեին մնացել են 10 ֆուտբոլիստներով. դաշտից հեռացվել է Սթենլի Նսոկին։

Ստանալով քանակական առավելություն` «Վերդերը» անհավանական comeback է արել և հաղթել 4:3 հաշվով։

Օլե Վերների գլխավորած թիմից հեթ-տրիկի է գրանցել դանիացի կիսապաշտպան Յենս Ստագեն, մեկ գոլ էլ խփել է Խուլիան Մալատինին։

Այս հաղթանակից հետո բրեմենյան ակումբը վաստակել է 8 միավոր և բարձրացել 10-րդ տեղ, «Հոֆենհայմը» 3 միավորով 16-րդն է։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am

Հ.Գ.Գ. Ֆուտբոլային մարզաշապիկներ կարող եք ձեռք բերել isport օնլայն խանութից