Ֆանտաստիկ թրիլեր ԱԱԱ-ում! «Պորտուն» ու «Ալ Ահլին» գերգոլառատ խաղում չպարզեցին հաղթողին 🎥

Աշխարհի ակումբային առաջնության A խմբի վերջին` երրորդ տուրում «Պորտուն» մրցեց «Ալ Ահլիի» դեմ։

Հանդիպումն անցավ ֆանտաստիկ ու թրիլերային սցենարով. գրանցվեց գերգոլառատ ոչ-ոքի` 4:4։

Եգիպտոսը ներկայացնող ակումբը հանդիպման ընթացքում չորս անգամ առաջ էր հաշվի մեջ, սակայն «վիշապները» կռվեցին ու փրկեցին խաղը։

«Ալ Ահլիից» հեթ-տրիկ գրանցեց պաղեստինցի վինգեր Վեսամ Աբու Ալին, մեկ անգամ էլ աչքի ընկավ Մոհամեդ Ալի Բեն Ռոմդանը։

Պորտուգալացիների գոլերը խփեցին Ռոդրիգու Մորան, Վիլիամ Գոմեսը, Սամու Ագեհովան և Պեպեն։ Վերջինը Մարտին Անսելմիի գլխավորած թիմին պարտությունից փրկեց 89-րդ րոպեն։

Նշենք, որ այս արդյունքը երկու ակումբների համար էլ բավարար չէր պայքարը շարունակելու համար։ «Պորտուն» ու «Ալ Ահլին» 2-ական միավորով A խմբում զբաղեցրին համապատասխանաբար 3-4-րդ տեղերն ու դուրս չեկան փլեյ-օֆֆ։

Այս խմբում առաջին տեղը գրավեց բրազիլական «Պալմեյրասը», երկրորդն ամերիկյան «Ինտեր Մայամին» է։ Երկու ակումբներն էլ 5-ական միավոր վաստակեցին։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am

Հ.Գ.Գ. Ֆուտբոլային մարզաշապիկներ կարող եք ձեռք բերել isport օնլայն խանութից