Տրաորեն արդեն ավելի շատ ասիստ է կատարել, քան Վուլվզի կազմում անցկացրած նախորդ 64 խաղերում

Եվրոպա լիգայի 1/16 եզրափակիչի շրջանակում «Բարսելոնան» հյուրընկալվելիս 4:2 հաշվով վստահ հաղթանակ տոնեց «Նապոլիի» նկատմամբ` դուրս գալով մրցաշարի 1/8 եզրափակիչ։

Կատալոնական ակումբի կազմից այդ հանդիպմանը մասնակցեց նաև Ադամա Տրաորեն, ով 8-րդ րոպեին օգնեց աչքի ընկնել Ժորդի Ալբային։

26-ամյա ֆուտբոլիստը «բլաուգրանասի» շարքեր վերադառնալուց հետո արդեն կատարել է շատ գոլային փոխանցում, քան «Վուլվերհեմպտոնի» կազմում անցկացրած նախորդ 64 խաղերում։

Տրաորեն «Բարսայի» կազմում անցկացրած 5 խաղում կատարել է 4, իսկ «Վուլվզի» կազմում անցկացրած վերջին 64 խաղերում` 3 գոլային փոխանցում։

Հիշեցնենք, որ Ադամա Տրաորեն «կապտանռնագույնների» կազմում հանդես է գալիս վարձավճարով, որի ավարտից հետո «Բարսելոնան» կարող է 30 մլն եվրոյի դիմաց գնել նրա ամբողջական տրանսֆերային իրավունքները։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am