Ջեկոն մոտ է ակումբային գրանցումը փոխելուն

«Ռոմայի» կենտրոնական հարձակվող Էդին Ջեկոն, ամենայն հավանականությամբ, կարիերան կշարունակի «Ինտերի» կազմում։

Ինչպես տեղեկացնում է իտալացի ինսայդեր Ֆաբրիցիո Ռոմանոն, «Ինտերը» Ռոմելու Լուկակուի հեռանալուց հետո նոր կենտրոնական հարձակվող է փնտրում, որի հիմնական թեկնածուն Էդին Ջեկոն է։

Աղբյուրի փոխանցմամբ` «ներաձուրիները» 35-ամյա հարձակվողի հետ 2 տարվա պայմանագիր են համաձայնեցրել։

Այժմ միլանյան ակումբն սպասում է, որպեսզի «Ռոման» նոր հարձակվող ձեռք բերի, որպեսզի կարողանա ավարտին հասցնել Ջեկոյի տեղափոխությունը։

Հիշեցնենք, որ Էդին Ջեկոն 2015 թվականից հանդես է գալիս «Ռոմայի» կազմում, որի մարզաշապիկով անցկացրել է 260 հանդիպում` դառնալով 119 գոլի և 55 գոլային փոխանցման հեղինակ։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am