Պաշտոնական․ Բարսելոնան խոշոր գումարի դիմաց ձեռք բերեց պորտուգալացի տաղանդավոր հարձակվողին
31/01/2020 - 17:10
Ինչպես տեղեկացնում է կատալոնական «Բարսելոնայի» պաշտոնական կայքը, ակումբը ձեռք է բերել պորտուգալական «Բրագայի» հարձակվող Ֆրանսիսկու Տրինկաոյին։ Գործարքն արժեցել է 31 մլն եվրո։
Խաղացողը կատալոնական ակումբին միանալու է եկող հուլիսին, իսկ մրցաշրջանի մնացած հատվածը շարունակելու է հանդես գալ «Բրագայի» կազմում։
20-ամյա խաղացողի պայմանագիրը նախատեսված է լինելու մինչև 2025 թվականը, իսկ հրաժարագինը կազմելու է 500 մլն եվրո։
Ավելի հաղ հայտնի էր դարձել, որ հակառակ ուղղությամբ կուղևորվի «կապտանռնագույնների» երիտասարդ հարձակվող Աբել Ռուիսը։ Սակայն, այս գործարքը որևէ կապ չունի Տրինկաոյի տեղափոխության հետ։