Ֆուտզալ․ Հայաստանի հավաքականը չկարողացավ լուրջ դիմադրություն ցույց տալ Ռուսաստանի ընտրանուն🎥

Հայաստանի ֆուտզալի հավաքականը սկսեց պայքարը 2022 թվականի Նիդեռլանդներում կայանալիք Եվրոպայի առաջնության որակավորման խմբային փուլում, որտեղ ընդգրկված է 2-րդ խմբում։

Մեկնարկային խաղում Ռուբեն Նազարեթյանի սաները մրցեցին գերհզոր Ռուսաստանի ընտրանու դեմ և չկարողացան լուրջ դիմադրություն ցույց տալ մրցակցին։ Ցավոք, մեր ընտրանին պարտվեց 0։6 հաշվով։

Տանտերերի կազմից երկու անգամ աչքի ընկավ Դանիլ Դավիդովը, մեկական անգամ էլ՝ Նիկոլայ Շիստերովը, Իվան Չիշկալան, Ռոբինիոն և Ռուսլան Կուձիևը։

Մեր հավաքականն իր հաջորդ հանդիպումը կանցկացնի փետրվարի 3-ին Երևանում՝ Ֆրանսիայի հավաքականի դեմ։

2-րդ խմբում ընդգրկված է նաև Վրաստանի հավաքականը, որը փետրվարի 2-ին Թբիլիսիում կընդունի Ռուսաստանի հավաքականին։