Նյուքասլը կողմնորոշվել է նոր գլխավոր մարզչի հիմնական թեկնածուի հարցում
«Նյուքասլը» Սթիվ Բրյուսին պաշտոնանկ անելուց հետո գլխավոր մարզչի փնտրտուքների մեջ է։
Ինչպես տեղեկացնում է The Telegraph-ը, «կաչաղակները» կարծես թե կողմնորոշվել են ակումբի նոր գլխավոր մարզչի հիմնական թեկնածուի հարցում։
Աղբյուրի փոխանցմամբ` «Նյուքասլը» բանակցում է «Ռոմայի» նախկին գլխավոր մարզիչ Պաուլու Ֆոնսեկայի հետ։
Նշվում է, որ ակումբը պորտուգալացի մասնագետին պատրաստ է վճարել տարեկան 6 մլն ֆունտ աշխատավարձ։
Հաղորդվում է, որ Ֆոնսեկան «Նյուքասլի» տնօրեն Ամանդա Սթեյվլիի թեկնածուն է, սակայն վերջնական որոշում պետք է կայացնի նախագահ Յասիր Ալ-Ռումայյանը։
Հատկանշական է, որ 48-ամյա մասնագետը նույնպես դեմ չէ գլխավորել «Նյուքասլը», քանի որ ցանկանում է աշխատել Պրեմիեր լիգայում։ Ֆոնսեկան դեռ 2021 թ. ամռանը մոտ էր «Տոտենհեմը» գլխավորելուն, սակայն բանակցությունները մտան փակուղի։
Հ․Գ․ միացե՛ք Interfootball-ի Telegram-ի ալիքին https://t.me/Interfootball_am
# Ամանդա Սթեյվլի, Յասիր Ալ-Ռումայյան, Նյուքասլ, Պաուլու Ֆոնսեկա, Սթիվ Բրյուս