Միկել Արտետա․ «Ամեն խաղում Արսենալի հետ տարօրինակ բաներ են կատարվում»
Լոնդոնի «Արսենալի» գլխավոր մարզիչ Միկել Արտետան խոսել է Անգլիայի լիգայի գավաթի 1/4 եզրափակչում «Մանչեսթեր Սիթիից» կրած պարտության մասին (1:4)․
«Նման բարձր ակարդակի մրցակիցը սխալի համար պատժում է մեզ, ինչն ավելի է բարդացնում իրավիճակը։ Մենք լավ հակագրոհ ձեռնարկեցինք, որից հետո նրանք գրավեցին մեր դարպասը խաղից դուրս վիճակից․ արդյունքում՝ մենք կրկին պարտվեցինք։
Դժվար է ընդունել պարտությունը՝ հաշվի առնելով, թե ինչպիսի խաղ ցուցադրեցինք։ Ամեն խաղում «Արսենալի» հետ տարօրինակ բաներ են կատարվում և դրանք բարդացնում են իրավիճակը։
Առաջիկա հանդիպումները որոշիչ են լինելու մեզ համար․ անհրաժեշտ է բեկում մտցնել մեր խաղում։ Հաշվի առնելով, թե ինչպիսի խաղ մենք ցուցադրեցինք այս հզոր մրցակցի դեմ՝ կարող եմ ասել, որ մենք թիմում ունենք մարտիկներ»,- ասել է Արտետան Sky Sports-ի եթերում։
# Անգլիայի-Լիգայի-գավաթ, Արսենալ, Մանչեսթեր-Սիթի, Միկել Արտետա