«Միլանի» ֆուտբոլիստը կտեղափոխվի «Լայպցիգ»

«Միլանի» վինգեր Նոա Օկաֆորը կարիերան կշարունակի «Լայպցիգում», հայտնում է ինսայդեր Ֆաբրիցիո Ռոմանոն։

Գերմանական ակումբը մինչև 2025 թ. հունիսի 30-ը վարձակալելու է շվեյցարացի ֆուտբոլիստին, ինչի հետո ունենալու է տրանսֆերը 25-28 միլիոն եվրոյով գնելու ոչ պարտադիր իրավունք։ «Ցլերը» վճարելու են նաև 24-ամյա եզրային հարձակվողի ամբողջ աշխատավարձը։

«Լայպցիգը», եթե գնի Օկաֆորի տրանսֆերային իրավունքը, նրա հետ պայմանագիրը կնքելու է մինչև 2029 թ. հունիսի 30-ը։

Նոա Օկաֆորը «Միլան» է տեղափոխվել 2023 թ. հուլիսին, 52 խաղում խփել 7 գոլ, կատարել 5 ասիստ։

Նշենք, որ «Ռեդ Բուլին» պատկանող թիմերում հանդես գալու փորձ Օկաֆորն արդեն ունի։ Նա 2020-23 թթ. եղել է ավստրիական «Զալցբուրգի» ֆուտբոլիստ` 110 խաղում դառնալով 34 գոլի ու 23 արդյունավետ փոխանցման հեղինակ։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am

Հ.Գ.Գ. Ֆուտբոլային մարզաշապիկներ կարող եք ձեռք բերել isport օնլայն խանութից