Մեսսին խոսել է հավաքականում իր ապագայի մասին

ԱԱ-2022-ի եզրափակիչում Արգենտինայի հավաքականը 11-մետրանոցներով հաղթեց Ֆրանսիային` դառնալով աշխարհի եռակի չեմպիոն։

Հանդիպումից հետո «ալբիսելեստեի» ավագ և առաջատար Լեո Մեսսին խոսել է հավաքականում իր ապագայի մասին.

«Իհարկե, ես կցանկանայի կարիերաս ավարտել նման կերպ, ավելին չի կարելի խնդրել։ Երախտապարտ եմ Աստծուն ամեն ինչի համար։

Ի՞նչ է լինելու հետո։ Ես կարողացա հաղթել Կոպա Ամերիկան և դարձա աշխարհի չեմպիոն, և այս ամենը տեղի ունեցավ կարիերայիս վերջում։

Ո՛չ, ես չեմ պատրաստվում ավարտել միջազգային կարիերաս։ Ինձ դուր է գալիս լինել հավաքականում, լինել այս թիմի հետ։ Ես ցանկանում եմ աշխարհի չեմպիոնի կարգավիճակով խաղալ արգենտինական մարզաշապիկով»,- Մեսսիի խոսքերը մեջբերում է RMC Sport-ը։

Հավելենք, որ 35-ամյա հարձակվողն ավարտված մունդիալի շրջանակում խփեց 7 գոլ` ճանաչվելով մրցաշարի լավագույն ֆուտբոլիստ։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am