Մեսսի. «Արգենտինան պատրաստ է խաղալ ցանկացած մրցակցի դեմ»
Ֆինալիսիմայի եզրափակիչի շրջանակում Արգենտինայի հավաքականը 3:0 հաշվով հաղթեց Իտալիային` դառնալով մրցաշարի առաջին հաղթողը։
Հանդիպումից հետո իր տպավորություններով է կիսվել «ալբիսելեստեի» ավագ Լեո Մեսսին.
«Արգենտինան պատրաստ է խաղալ ցանկացած մրցակցի դեմ։ Այսօր մենք լավ փորձության ենթարկվեցինք, քանի որ Իտալիան հիանալի թիմ ունի։
Մենք գիտեինք, որ լավ խաղ է սպասվում և նման միջավայրում չեմպիոն դառնալը հաճելի է։
Հիասքանչ եզրափակիչ էր. մարզադաշտում բազմաթիվ արգենտինացիներ կային։ Ամեն ինչ հրաշալի էր»,- եզրափակել է Մեսսին, ում խոսքերը մեջբերում է ՈՒԵՖԱ-ի պաշտոնական կայքը։
Հավելենք, որ Իտալիայի դեմ խաղում Մեսսին դարձավ երկու գոլային փոխանցման հեղինակ` ճանաչվելով հանդիպման լավագույն ֆուտբոլիստ։
Հ․Գ․ միացե՛ք Interfootball-ի Telegram-ի ալիքին https://t.me/Interfootball_am
# Արգենտինայի առաջնություն, իտալիայի հավաքական, Իտալիայի-Գավաթ, Լեո Մեսսի, Ֆինալիսիմա