Մանչեսթեր Յունայթեդը նույնպես Անգլիայի լիգայի գավաթի կիսաեզրափակիչում է 🎥

Անգլիայի լիգայի գավաթի 1/4 եզրափակիչ հաջորդ հանդիպումը «Մանչեսթեր Յունայթեդի» և «Էվերթոնի» միջև էր։ Ծանարագույն պայքարում Սուլշերի թիմը կարողացավ 0։2 հաշվով հաղթանակի հասնել մրցակցի նկատմամբ՝ ապահովելով իր տեղը կիսաեզրափակիչում, որտեղ արդեն հանգրվանել են «Մանչեսթեր Սիթին» և «Տոտենհեմը»։

Այս խաղում գոլերը խփվեցին միայն խաղավարտին։ 88-րդ րոպեին եռաքայլ կոմբինացիան գոլով եզրափակեց հյուրերի ուրուգվայցի հարձակվող Էդիսոն Կավանին՝ դարձնելով հաշիվը 0։1։

Կառլո Անչելոտիի սաները գրեթե ողջ կազմով նետվեցին առաջ՝ փորձելով ամեն գնով ետ բերել կորցրածը և պատժվեցին դրա համար՝ խաղի 90+6-րդ րոպեին երկրորդ գնդակն ընդունելով սեփական դարպասը։ «Կարմիր սատանաների» արագ հակագրոհը Մարկուս Ռեշֆորդի փոխանցումից հետո գոլով եզրափակեց Անտոնի Մարսիալը՝ վերջակետ դնելով այս հանդիպմանը՝ 0։2։

Այսպիսով՝ հայտնի դարձավ Անգլիայի լիգայի գավաթի կիսաեզրափակիչի 3-րդ մասնակիցը․ «Մանչեսթեր Սիթիին» և «Տոտենհեմ Հոտսպուրին» միացավ նաև «Մանչեսթեր Յունայթեդը»։