Հալանդը Պրեմիեր լիգայում խփած գոլերի քանակով շրջանցել է իր հորը

Անգլիական Պրեմիեր լիգայի 17-րդ տուրում «Մանչեսթեր Սիթին» հյուրընկալվելիս 3:1 հաշվով հաղթեց «Լիդսին»։

Հանդիպման հերոս դարձավ Էրլինգ Հալանդը` իր անվան դիմաց գրանցելով դուբլ։

Նորվեգացի գոլահարը Պրեմիեր լիգայում խփած գոլերի քանակը հասցրեց 20-ի և շարունակում է գլխավորել լավագույն ռմբարկուների ցուցակը։

Այդ ցուցանիշով 22-ամյա հարձակվողը Պրեմիեր լիգայում խփած գոլերի քանակով շրջանցեց իր հորը` Ալֆ-Ինգե հալանդին։

Հալանդ-ավագը, ով Պրեմիեր լիգայի շրջանակում հանդես է եկել «Նոթինգհեմ Ֆորեսթի», «Լիդսի» և «Մանչեսթեր Սիթիի» կազմում, անցկացրած 181 խաղում դարձել է 18 գոլի հեղինակ։

Էրլինգ Հալանդին այդ ցուցանիշը գերազանցելու համար անհրաժեշտ է եղել ընդամենը 14 հանդիպում։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am