Կիմ Առաքելյանը հեռացել է «Փյունիկից»
Կիմ Առաքելյանը հեռացել է «Փյունիկից»
01/10/2025 - 20:38

«Փյունիկի» գլխավոր տնօրեն Կիմ Առաքելյանը սոցցանցերում գրառում է արել` հայտնելով ակումբից հեռանալու մասին.

«Հարգելի’ գործընկերներ, տեղեկացնում եմ, որ ավարտում եմ գործունեությունս «Փյունիկ» ֆուտբոլային ակումբում։

Շնորհակալությունս եմ հայտնել բոլորին՝ միասնական աշխատանքի, վստահության և նվիրման համար։

Այս տարիներին միասին հաղթահարել ենք դժվարություններ, բարձրացել ենք, կառուցել, կերտել հաջողություններ, հասել չեմպիոնությունների՝ գլխավոր, կանանց և ակադեմիայի տարբեր տարիքային թիմերում, զարգացրել ենք ակումբը։

Այն ամենը, ինչին կարողացել ենք հասնել, արդյունք էր ոչ թե մեկ մարդու աշխատանքի, այլ ամբողջ թիմի համառության և նվիրվածության։

«Փյունիկում» անցած ճանապարհս ինձ համար կմնա կարևոր և թանկարժեք փորձառություն։ Հավատում եմ, որ ակումբը շարունակելու է զարգանալ և նոր՝ հաղթանակներ է կերտելու։

Թեև ավարտում եմ պաշտոնավարումս և այլևս չեմ հանդիսանում ակումբի գլխավոր տնօրենը, բայց «Փյունիկն» իմ սրտում է»,- գրել է Առաքելյանը։

34-ամյա մասնագետը պաշտոնը զբաղեցնում էր 2021թ. հունվարից։

# ,

Մեջբերումներ անելիս ակտիվ հղումը Interfootball.am-ին պարտադիր է: Կայքի հոդվածների մասնակի կամ ամբողջական հեռուստառադիոընթերցումն առանց Interfootball.am-ին հղման արգելվում է: Կայքում արտահայտված կարծիքները պարտադիր չէ, որ համընկնեն կայքի խմբագրության տեսակետի հետ: Գովազդների բովանդակության համար կայքը պատասխանատվություն չի կրում:

© Interfootball.am 2025