Կաստելիանոսի անհավանական պերֆորմանսը. Ժիրոնան գոլառատ խաղում հաղթեց Ռեալին🎥

Իսպանական Լա լիգայի 31-րդ տուրում «Ժիրոնան» սեփական հարկի տակ մրցեց «Ռեալ Մադրիդի» դեմ։

Առաջ ընկնելով` նշենք, որ կատալոնական ակումբը հիասքանչ հանդիպում անցկացրեց և գոլառատ խաղում 4:2 հաշվով հաղթեց «սերուցքայիններին»։

Տանտերերի կազմից անհավանական պերֆորմանս ցույց տվեց 24-ամյա արգենտինացի հարձակվող Վալենտին Կաստելիանոսը` դառնալով պոկերի հեղինակ։

Կառլո Անչելոտիի թիմից էլ մեկական անգամ աչքի ընկան Վինիսիուսն ու Լուկաս Վակեսը։

Այս հաղթանակից հետո «Ժիրոնան» վաստակեց 41 միավոր` բարձրանալով 9-րդ հորիզոնական։

«Արքայական» ակումբը, 65 միավորով, 2-րդն է։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am