Կասիլիասը կվերադառնա Ռեալ

Ինչպես տեղեկացնում է Marca-ն, «Ռեալի» նախկին դարպասապահ Իկեր Կասիլիասը կվերադառնա հարազատ ակումբ։

39-ամյա նախկին դարպասապահը կդառնա ակումբի նախագահ Ֆլորենտինո Պերեսի խորհրդականը։ Աղբյուրի փոխանցմամբ՝ լեգենդար նախկին դարպասապահի պարտականությունները գալիք շաբաթ կհստակեցվի։

Իկեր Կասիլիասը «Ռեալի» մարզադպրոցի սան է, որի կազմում մասնակցել է 725 հանդիպման՝ նվաճելով բոլոր հնարավոր տիտղոսները։ 2015 թվականին դարպասապահը տեղափոխվեց «Պորտու»։ 2019 թվականի մայիսին ֆուտբոլիստը հերթական մարզումներից մեկին ժամանելուց հետո սրտի կաթված է տարել, ինչից հետո ավարտել է ֆուտբոլիստի կարիերան։ Ներկա պահին Կասիլիասը «Պորտում» ադմինիստրատիվ պաշտոն է զբաղեցնում։