Լուկաս Սելարայանը վնասվածք է ստացել

Հայաստանի ազգային հավաքականի և արգենտինական «Բելգրանոյի» կիսապաշտպան Լուկաս Սելարայանը վնասվածք է ստացել, հայտնում է ակումբի մամուլի ծառայությունը։

32-ամյա ֆուտբոլիստն Արգենտինայի առաջնության 3-րդ տուրի «Ինդեպենդիենտե Ռիվադավիայի» դեմ խաղում իր թիմի մեկնարկային կազմում էր և փոխարինվել է ընդմիջմանը։

Սելարայանը ձախ ոտքի մկանային վնասվածք է ստացել և կբացակայի 10-15 օր։

Հիշեցնենք, որ Սելարայանը ձմեռային տրանսֆերային պատուհանի ժամանակ է Սաուդյան Արաբիան ներկայացնող «Ալ Ֆաթեհից» վերադարձել «Բելգրանո»։ Նա Արգենտինայի նոր մեկնարկած առաջնությունում մասնակցել է 3 հանդիպման։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am

Հ.Գ.Գ. Ֆուտբոլային մարզաշապիկներ կարող եք ձեռք բերել isport օնլայն խանութից