Լիգա 1-ի նոր հերոսը. Ռեյմսի հարձակվողը գլխավորեց ռմբարկուների ցուցակը🎥

Ֆրանսիական Լիգա 1-ի 21-րդ տուրում «Ռեյմսը» սեփական հարկի տակ մրցեց «Լորյանի» դեմ` տանելով գերկամային հաղթանակ 4:2 հաշվով։

Հանդիպման ընթացքում «կարմրասպիտակները» զիջում էին 0:2 հաշվով, սակայն Վիլիամ Սթիլի սաները բեկեցին խաղի սցենարը և արժանի հաղթանակ կորզեցին։

Հանդիպմամ հերոս դարձավ «Ռեյմսի» 21-ամյա անգլիացի հարձակվող Ֆոլարին Բալոգանն` իր անվան դիմաց գրանցելով հեթ-տրիկ։

Երիտասարդ ֆուտբոլիստը Լիգա 1-ի շրջանակում խփած գոլերի քանակը հասցրեց 14-ի և գլխավորեց առաջնության լավագույն ռմբարկուների ցուցակը` շրջանցելով Կիլիան Մբապեին (ՊՍԺ), ում ակտիվում կա 13 գոլ։

Նշենք, որ Բալոգանի տրանսֆերային իրավունքները պատկանում են «Արսենալին»։

Այս հաղթանակից հետո «Ռեյմսը» վաստակեց 29 միավոր` բարձրանալով 11-րդ հորիզոնական։

«Լորյանը», 35 միավորով, 7-րդն է։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am