Թրիլլեր Էլ Կլասիկոյում. Ռեալը 90+2-րդ րոպեին հաղթանակ կորզեց Բարսելոնայի դեմ խաղում 🎥
Իսպանական Լա լիգայի 11-րդ տուրում կայացավ հերթական Էլ Կլասիկոն, որի շրջանակում «Բարսելոնան» սեփական հարկի տակ մրցեց «Ռեալ Մադրիդի» դեմ։
«Բլաուգրանան» հանդիպումը, կարելի է ասել, սկսեց մեկ գնդակի առավելույթամբ. 6-րդ րոպեին աչքի ընկավ Իլկայ Գյունդողանը։
Հանդիպման ընթացքում էլ «Բարսելոնան» ուներ խաղային առավելություն, սակայն Խավիի թիմը չկարողացավ իրացնել իր գոլային պահերը։
Երկրորդ կեսի միջնամասից «արքայական» ակումբը բեկեց հանդիպման ընթացքն ու կարողացավ 2:1 հաշվով կամային հաղթանակ տոնել։
Հանդիպման հերոս դարձավ Ջուդ Բելինգհեմը, ով իր անվան դիմաց դուբլ գրանցեց։ Անգլիացի ֆուտբոլիստն իր թիմի հաղթական գնդակը խփեց 90+2-րդ րոպեին, մեկ անգամ էլ աչքի ընկավ 68-րդ րոպեին։
Այս հաղթանակից հետո «Ռեալը» վաստակեց 28 միավոր` գլխավորելով Լա լիգայի մրցաշարային աղյուսակը։
«Բարսելոնան», 24 միավորով, 3-րդն է։
Հ․Գ․ միացե՛ք Interfootball-ի Telegram-ի ալիքին https://t.me/Interfootball_am