Էվերտոնը պայմանագիր է առաջարկել Խամեսին
28/04/2020 - 15:58
«Էվերտոնը» չորս տարվա պայմանագիր է առաջարկել «Ռեալի» կիսապաշտպան Խամես Ռոդրիգեսին։
Սպասվում է, որ կոլումբացի կիսապաշտպանը ամռանը կլքի «արքայական» ակումբը, քանի որ նրա պայմանագիրը «Ռեալի» հետ ավարտվում է 2021 թվականին։ Ինչպես տեղեկացնում է իտալացի հանրահայտ լրագրող Նիկոլո Սկիրան, «Էվերտոնի» գլխավոր մարզիչ Կառլո Անչելոտին, ով ժամանակին Խամեսի հետ աշխատել է «Ռեալի» կազմում, շատ է ցանկանում անգլիական ակումբի շարքերում տեսնել նրան։
Խամեսը հենց առաջին տարբերակն է, ում միջոցով «Էվերտոնը» մտադիր է հզորացնել կազմը, իսկ նրա տրանսֆերի ձախողման դեպքում ակումբը նախապատվությունը տալիս է «Բարսելոնայի» կիսապաշտպան Ֆիլիպե Կոուտինիոյին և «Նապոլիի» հարձակվող Իրվինգ Լոզանոյին։