Հայտնի է Եվրոպա լիգայի շաբաթվա լավագույն ֆուտբոլիստի անունը

Ինչպես տեղեկանում ենք Եվրոպա լիգայի թվիթերյան էջից, «Մանչեսթեր Յունայթեդի» հարձակվողական ոճի կիսապաշտպան Բրունու Ֆերնանդեշը ճանաչվել է մրցաշարի 1/16 եզրափակչի առաջին հանդիպումների լավագույն ֆուտբոլիստ։

Պորտուգալացին դուբլի հեղինակ է դարձել «Ռեալ Սոսիեդադի» դեմ խաղում, իսկ մանկունյական ակումբն այդ խաղում 4 անպատասխան գնդակ է ուղարկել մրցակցի դարպասը։

26-ամյա ֆուտբոլիստի հետ լավագույնի տիտղոսին էին հավակնում էին նաև Մունաս Դաբուրը («Հոֆֆենհայմ»), Բրունո Պետկովիչը («Դինամո Զագրեբ») և Գարեթ Բեյլը («Տոտենհեմ»)։

Ֆերնանդեշը ՄՅՈւ-ի կազմում ընթացիկ մրցաշրջանում բոլոր խաղերի հաշվարկով մասնակցել է 35 հանդիպման՝ դառնալով 19 գոլի և 12 գոլայի փոխանցման հեղինակ։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am