ՕԽ. Բրազիլիան նույնպես կիսաեզրափակչում է🎥

Տոկիո-2020-ի ֆուտբոլային մրցաշարում մոտենում է ավարտին 1/4 եզրափակչի փուլը։

Բրազիլիայի օլիմպիական հավաքականը «Սայիտամա» մարզադաշտում մրցեց Եգիպտոսի ընտրանու դեմ։

Ինչպես և սպասվում էր, հանդիպման հենց մեկնարկից «պենտակամիպոնները» տիրեցին նախաձեռնությանը և նախքան ընդմիջման գնալն առաջ անցան հաշվի մեջ. 37-րդ րոպեին Ռիչարլիսոնի կատարած փոխանցումից հետո աչքի ընկավ Մաթեուս Կունյան։

Երկրորդ խաղակեսում էլ, ճիշտ է, բրազիլացիները շարունակում էին ավելի շատ տիրել գնդակին, սակայն, կարելի է ասել, հավասար պայքար էր ընթանում դաշտում։

Ամեն դեպքում, Անդրե Ժարդինի սաներն ապացուցեցին իրենց բարձր կարգը և պահպանեցին նվազագույն առավելությունը` նվաճելով Տոկիո-2020-ի կիսաեզրափակչի ուղեգիր։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am