Բարսելոնայի 15-ամյա հարձակվողի ֆանտաստիկ գոլն Իսպանիայի Մ-17 հավաքականի կազմում 🎥
Անցնող օրերին Հունգարիայում մեկնարկել և ընթանում է Մ-17 տարեկանների Եվրոպայի առաջնությունը, որի շրջանակում արդեն հայտնի են դարձել մրցաշարի եզրափակիչի մասնակիցները։
Մրցաշարի երկրորդ կիսաեզրափակիչում Իսպանիայի հավաքականը 1:3 հաշվով պարտվեց Ֆրանսիայի Մ-17 հավաքականին։
«Ֆուրիա ռոխայի» կազմից հանդիպմանը մասնակցեց նաև «Բարսելոնայի» 15-ամյա հարձակվող Լամին Յամալը, ով 69-րդ րոպեին հեռահար հարվածով դարձավ ֆանտաստիկ գոլի հեղինակ` բացելով հաշիվը։
Այդուհանդերձ, հետագայում ֆրանսիացիները 3 անպատասխան գնդակ ուղարկեցին մրցակցի դարպասն ու 3:1 հաշվով կամային հաղթանակ տոնեցին։
Հավելենք, որ «եռագույնները» մրցաշարի եզրափակիչում մրցելու են Գերմանիայի Մ-17 հավաքականի դեմ։
Հիշեցնենք, որ վերջերս Լամին Յամալը նորամուտը նշեց «Բարսելոնայի» հիմնական թիմում` դառնալով կատալոնական ակումբի կազմում հանդես եկած երբևէ երկրորդ ամենաերիտասարդ ֆուտբոլիստը։
Հ․Գ․ միացե՛ք Interfootball-ի Telegram-ի ալիքին https://t.me/Interfootball_am