«Բարսան» կամային հաղթանակով գլխավորեց մրցաշարային աղյուսակը 🎥

Իսպանիայի Լա լիգայի 14-րդ տուրում գործող չեմպիոն «Բարսելոնան» «Կամպ Նոու» ստադիոնում 3:1 հաշվով կամային հաղթանակ տարավ «Ալավեսի» նկատմամբ։

Հյուրերը հաշիվը բացեցին արդեն 43-րդ վայրկյանին. դարպասի գրավմամբ աչքի ընկավ Պաբլո Իբանյեսը։

Նախքան ընդմիջում «բլաուգրանան» ոչ միայն հավասարեցրեց, այլև առաջ անցավ հաշիվը մեջ. 8-րդ ու 26-րդ րոպեներին աչքի ընկան համապատասխանաբար Լամին Յամալն ու Դանի Օլմոն։

Հանսի Ֆլիկի գլխավորած թիմը երկրորդ խաղակեսում էլ ուներ տարածքային ու խաղային լուրջ առավելություն և 90+3-ին հանդիպման վերջակետը. կրկին աչքի ընկավ Օլմոն` գրանցելով դուբլ։

«Բարսելոնան» միավորների քանակը հասցրեց 34-ի` գլխավորելով մրցաշարային աղյուսակը։ Երկրորդ տեղ նահանջած Մադրիդի «Ռեալն» ունի 32 միավոր, որն ընթացիկ տուրում դեռ չի անցկացրել իր հանդիպումը և նոյեմբերի 30-ին մրցակցի դաշտում կմրցի «Ժիրոնայի» դեմ։

«Ալավեսը» 15 միավորով 14-րդ տեղում է։

Գոլերը` քիչ անց

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am

Հ.Գ.Գ. միացե՛ք Interfootball-ի Instagram-ի էջին https://shorturl.at/6vBml