Արսենալը մոտ է Էրեդիվիզիայի ամենաթանկարժեք ֆուտբոլիստին ձեռք բերելուն

«Արսենալը» մտադիր է ամրապնդել պաշտպանության կենտրոնը, որի հիմնական թեկնածուն «Այաքսի» ֆուտբոլիստ Յուրիեն Թիմբերն է։

Ինչպես տեղեկացնում է ինսայդեր Ֆաբրիցիո Ռոմանոն, «զինագործներն» արդեն տևական ժամանակ է աշխատում են` 22-ամյա ֆուտբոլիստին ձեռք բերելու ուղղությամբ։

Աղբյուրի փոխանցմամբ` «Այաքսը» գործարքի հարցում արդեն մերժել է «Արսենալի» առաջին առաջարկը։

Այժմ «զինագործները» երկրորդ` ավելի բարելավված առաջարկն են պատրասում։

Նշվում է, որ լոնդոնյան ակումբի առաջին առաջարկը եղել է 30 մլն, իսկ երկորդը լինելու է 40-45 մլն եվրո։

Այդուհաներձ, «Այաքսը» երիտասարդ ֆուտբոլիստի վաճառքից ցանկանում է վաստակել նվազագույնը 50 մլն եվրո։

Ինքը` Թիմբերը, ցանկանում է կարիերան շարունակել միայն «Արսենալի» կազմում և նրա որոշման հարցում լուրջ դերակատարություն է ունեցել «զինագործների» գլխավոր մարզիչ Միկել Արտետան։

22-ամյա ֆուտբոլիստը հանգել է այն եզրահանգմանը, որ իսպանացի մասնագետը հիանալի աշխատանք է կատարում երիտասարդների հետ։

Ավելի վաղ ինսայդեր Նիկոլո Սկիրան հայտնել էր, որ «Արսենալը» Թիմբերին մինչև 2028 թ. հունիսի 30-ը պայմանագիր է առաջարկել։

Հավելենք, որ Յուրիեն Թիմբերը հոլանդական Էրեդիվիզիայի ամենաթանկարժեք ֆուտբոլիստն է։ Ներկա պահին հեղինակավոր Transfermarkt կայքը նրա շուկայական արժեքը գնահատում է 42 մլն եվրո։

Ավելացնենք, որ Թիմբերն «Այաքսի» սան է, որի կազմում անցկացրած 121 խաղում դարձել է 6 գոլի և 4 գոլային փոխանցման հեղինակ։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am