Ասթոն Վիլլան շարունակում է հիացնել` հաղթելով նաև Արսենալին 🎥

Անգլիական Պրեմիեր լիգայի 16-րդ տուրի կենտրոնական խաղում «Ասթոն Վիլլան» սեփական հարկի տակ մրցեց «Արսենալի» դեմ։

Հանդիպման ընթացքում գրանցվեց դարպասի ընդամենը մեկ գրավում. տանտերերը հաղթեցին 1:0 հաշվով։

Ունայի Էմերիի թիմին հաղթանակ պարգևեց 7-րդ րոպեին Ջոն Մաքգինի խփած միակ գոլը։

Նշենք, որ հանդիպման հերոսներից դարձաց նաև բիրմինգհեմյան ակումբի դարպասապահ Էմիլիանո Մարտինեսը` կատարելով 5 սեյվ։

Այս հաղթանակից հետո «Վիլլան» վաստակեց 35 միավոր և զբաղեցնում է 3-րդ հորիզոնականը։

«Արսենալը» մնաց 36 միավորով և 16-րդ տուրի արդյունքներով նահանջեց 2-րդ հորիզոնական` Պրեմիեր լիգայի առաջատարի դերը զիջելով «Լիվերպուլին», որն ունի 37 միավոր։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am