Ասենսիոյի սուպեր գոլը հաղթանակ պարգևեց Ռեալին Գրանադայի դեմ խաղում🎥

Իսպանական Լա լիգայի 23-րդ տուրի շրջանակում «Ռեալ Մադրիդը» սեփական հարկի տակ մրցեց «Գրանադայի» դեմ։

«Արքայական» ակումբը հանդիպման մեծ մասում ունենալով տարածքային ու խաղային լուրջ առավելություն` միայն մեկ գնդակ ուղարկեցին մրցակցի դարպասը։

«Գրանադայի« ֆուտբոլիստները մինչև 74-րդ րոպե դիմացան ճնշմանը, սակայն Մարկո Ասենսիոն հիշեցրեց իր ֆիրմային հեռահար հարվածների մասին` դառնալով հիասքանչ գոլի հեղինակ։

Այսպիսով, Կառլո Անչելոտիի թիմը հաղթեց 1:0 հաշվով, վաստակեց 53 միավոր և շարունակում է գլխավորել Լա լիգայի մրցաշարային աղյուսակը։

«Գրանադան», 24 միավորով, 16-րդն է։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am