Անչելոտին հերթական անհավանական ռեկորդն է սահմանել

Չեմպիոնների լիգայի եզրափակիչում «Ռեալ Մադրիդը» հաղթեց 1:0 հաշվով` 14-րդ անգամ տիրանալով բաղձալի գավաթին։

Ինչպես տեղեկացնում է ESPN-ը, Կառլո Անչելոտին դարձավ առաջին մարզիչը, ով չորս անգամ հաղթել է «ականջավոր գավաթը»` սահմանելով տպավորիչ ռեկորդ։

Այդ ցուցանիշով իտալացի մասնագետը գերազանցեց Զինեդին Զիդանին և Բոբ Փեյսլիին։

Զիդանը «Ռեալի» ղեկին 2016-18 թթ. երեք անգամ անընդմեջ տիրացել է գավաթին։

Փեյսլին նույնպես իր գավաթները հաղթել է մեկ ակումբի` «Լիվերպուլի» հետ` 1977, 1978 և 1981 թվականներին։

Ինչ վերաբերում է Անչելոտիին, ապա Պապա Կառլոն ակումբային ամենահեղինակավոր մրցաշարը «Միլանի» հետ հաղթել է 2003 և 2007, իսկ «Ռեալի» հետ` 2014 և 2022 թթ.։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am