Վալվերդե. Ապագայում Բարսելոնան կարող է կին մարզել
09/03/2019 - 10:33
«Բարսելոնայի» գլխավոր մարզիչ Էռնեստո Վալվերդեն աչքի է ընկել յուրօրինակ կարծիքով: Մասնագետի կարծիքով կատալոնական թիմը հետագայում կարող է կին գլխավոր մարզիչ ունենալ.
«Ճշմարտությունն այն է, որ ֆուտբոլային աշխարհն առաջ է գնում մեծ քայլերով: Կանայք սկսում են մեծ դեր ունենալ ֆուտբոլում, մենք արդեն ունենք վառ օրինակներ:
Տղամարդկանց ֆուտբոլում կանանց դերը նույնպես մեծանալու է: Ապագայում նույնիսկ «Բարսելոնան» կարող է կին մարզել»,- Վալվերդեի խոսքն է մեջբերել Goal.com-ը: