Միկել Արտետան երկրորդ անգամ վարակվել է կորոնավիրուսով

Ինչպես տեղեկացնում է «Արսենալի» պաշտոնական կայքը, ակումբի գլխավոր մարզիչ Միկել Արտետան վարակվել է կորոնավիրուսով։

Աղբյուրի փոխանցմամբ` իսպանացի մասնագետը պահպանում է բոլոր հակահամաճարակային կանոնները և ինքնամեկուսացել է։

Այպիսով, Պրեմիեր լիգայի 21-րդ տուրի շրջանակում հունվարի 1-ին «Մանչեսթեր Սիթիի» դեմ տնային հանդիպման ժամանակ Արտետան չի կարող պահեստայինների նստարանից կառավարել լոնդոնյան ակումբի խաղը։

Հավելենք, որ սա արդեն երկրորդ դեպքն է, որ Միկել Արտետան վարակվում է կորոնավիրուսով։ Առաջին դեպքը գրանցվել է 2020 թ. մարտին, երբ ամբողջ աշխարհում նոր-նոր էր մոլեգնում ու տարածվում չարաբաստիկ հիվանդությունը։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am