FA cup․ Արսենալը դժվարությամբ նվաճեց 1/16 եզրափակչի ուղեգիր 🎥
10/01/2021 - 00:14
Անգլիայի Գավաթի խաղարկության 1/32-րդ եզրափակչի շրջանակում «Արսենալը» սեփական հարկի տակ մրցեց «Նյուքասլի» դեմ, և միայն ավելացված ժամանակի ընթացքում կարողացավ երկու գնդակ խփել մրցակցի դարպասը և նվաճել 1/16 եզրափակչի ուղեգիր։
Գոլերը խփվեցին 109-րդ և 117-րդ րոպեներին, որոնք իրենց անվան դիմաց համապատասխանաբար գրանցեցին Էմիլ Սմիթ-Ռոուն և Պիեր-Էմերիկ Օբամեյանգը։
Միկել Արտետայի սաները բոլոր մրցաշարերի շրջանակում տանում են արդեն չորրորդ անընդմեջ հաղթանակը։ Նախորդ երեք հաղթանակները գրանցվել են ԱՊԼ-ի անցնող տուրերի ընթացքում։
# FA-Cup, ԱՊԼ, Արսենալ, Էմիլ Սմիթ-Ռոու, Նյուքասլ, Պիեր-Էմերիկ-Օբամեյանգ