Բենզեմաաաա՜! Ռեալը ֆանտաստիկ comeback-ով հաղթեց ՊՍԺ-ին` դուրս գալով ՉԼ 1/4 եզրափակիչ🎥
Չեմպիոնների լիգայի 1/8 եզրափակիչի պատասխան հանդիպման շրջանակում «Ռեալ Մադրիդը» սեփական հարկի տակ մրցեց ՊՍԺ-ի դեմ։
Հիշեցնենք, որ դիմակայության առաջին խաղում փարիզյան ակումբը հաղթել էր 1:0 հաշվով։
Ինչ վերաբերում է պատասխան հանդիպմանը, ապա հենց մեկնարկից «արքայական» ակումբը տիրեց նախաձեռնությանն ու մեծ ճնշում էր գործադրում, սակայն ՊՍԺ-ի ֆուտոբլոստների հակագրոհներն ավելի վտանգավոր էին և սուր։
Նման հակագրոհներից մեկի արդյունքում էլ 39-րդ րոպեին Կիլիան Մբապեն բացեց հանդիպման հաշիվը։
Կողմերն ընդմիջման գնացին փարիզյան ակումբի նվազագույն առավելության պայմաններում։
Երկրորդ խաղակեսի մեկնարը հիմնականում անցնում էր հանգիստ պայքարում, սակայն 61-րդ րոպեին, ինչպես ամպրոպ անամպ երկնքում, հյուրերի դարպասապահ Ջանլուիջի Դոնարուման կոպիտ սխալ թույլ տվեց, ինչից հետո Կարիմ Բենզեման հավասարեցրեց հաշիվը։
Այդ գոլը կարծես թևեր տվեց Կառլո Անչելոտիի թիմին, որն սկսեց տպավորիչ ֆուտբոլ ցուցադրել։
76-րդ րոպեին «Ռեալը» նետվեց կտրուկ հակագրոհի, որը եզրափակեց Կարիմ Բենզեման` հաշիվը դարձնելով 2:1։
Ընդամենը 2 րոպե անց` 78-րդ րոպեին, ֆրանսիացի հարձակվողը, օգտվելով «Փարիզի» պաշտպանության խառնաշփոթից, գրավեց մրցակցի դարպասը, հաշիվը դարձրեց 3:1, իսկ իր անվան դիմաց գրանցեց հեթ-տրիկ։
Բաց թողած երրորդ գոլը վերջնականապես կոտրեց Մաուրիսիո Պոչետինոյի թիմին, որը ոչինչ չկարողացավ առաջարկել մրցակցին։
Այսպիսով, «Ռեալ Մադրիդը» անհավանական comeback արեց, ընդհանուր դիմակայությունում հաղթեց 3:2 հաշվով և նվաճեց Չեմպիոնների լիգայի 1/4 եզրաձակիչի ուղեգիր։
Հ․Գ․ միացե՛ք Interfootball-ի Telegram-ի ալիքին https://t.me/Interfootball_am