Միլանը հերթական տպավորիչ ցուցանիշն է գրանցել

Իտալական Ա Սերիայի 10-րդ տուրի շրջանակում «Միլանը» հյուրընկալվելիս 1։2 հաշվով դժվար հաղթանակ տարավ «Սամպդորիայի» նկատմամբ։

«Ռոսոներիները» կայացած 10 խաղերից հետո վաստակած 26 միավորով գլխավորում են մրցաշարային աղյուսակը։ Այդ 10 խաղերից Ստեֆանո Պիոլիի սաները հաղթանակով են ավարտել 8-ը։

Ինչպես տեղեկացնում է OptaPaolo-ն, վերջին 86 տարվա ընթացքում «Միլանը» միայն մեկ անգամ է մեկնարկային 10 խաղերում տոնել 8 կամ ավելի հաղթանակ։ Նման դեպք պատահել է 1954/55 մրցաշրջանում, երբ «կարմրասևերը» 10 խաղում տոնել էին 9 հաղթանակ։