Դրամա Աթենքում. Նիդեռլանդները 90+3-րդ րոպեին հաղթանակ կորզեց Հունաստանի դեմ խաղում🎥
Եվրո-2024-ի որակավորման փուլի 8-րդ տուրում Նիդեռլանդների հավաքականը B խմբի շրջանակում Աթենքում մրցեց Հունաստանի ընտրանու դեմ։
Համառ պայքարում ընթացած խաղում գրանցվեց դարպասի ընդամենը մեկ գրավում. «նարնջագույնները» հաղթեցին 1:0 հաշվով։
Ռոնալդ Կումանի թիմին հաղթանակ պարգևեց 90+3-րդ րոպեին Վիրջիլ վան Դայկի իրացրաց 11-մետրանոցը։
Նշենք, որ հոլանդացիները 28-րդ րոպեին արդեն հարվածել էին 11-մետրանոցից, սակայն Վութ Վեգորսթը չկարողացավ գոլի հեղինակ դառնալ. հույներին փրկեց դարպասապահ Օդիսեաս Վլախոդիմոսը։
B խմբում կայացել է ևս մեկ հանդիպում.
Ջիբրալթար 0:4 Իռլանդիա
8-րդ տուրից հետո խմբի մրցաշարային աղյուսակն ստացավ հետևյալ տեսքը.
- Ֆրանսիա (անցկացրած 6 խաղ) – 18 միավոր
- Նիդեռլանդներ (անցկացրած 6 խաղ) – 12
- Հունաստան (անցկացրած 7 խաղ) – 12
- Իռլանդիա (անցկացրած 7 խաղ) – 6
- Ջիբրալթար (անցկացրած 6 խաղ) – 0
Հիշեցնենք, որ այս խմբից Ֆրանսիայի հավաքականն արդեն նվաճել է Եվրո-2024-ի խմբային փուլի ուղեգիր։
Հ․Գ․ միացե՛ք Interfootball-ի Telegram-ի ալիքին https://t.me/Interfootball_am