Պաշտոնական․ Մանչեսթեր Յունայթեդը ձեռք բերեց Պորտուի պաշտպանին

Ինչպես տեղեկացնում է «Մանչեսթեր Յունայթեդի» պաշտոնական կայքը, ակումբը ձեռք է բերել «Պորտուի» ձախ պաշտպան Ալեքս Տելեսին։

Աղբյուրի փոխանցմամբ՝ կողմերի միջև պայմանագիրը կնքվել է «4+1» տարբերակով, իսկ մանկունյական ակումբը 27-ամյա բրազիլացի ֆուտբոլիստի դիմաց վճարել է 15 մլն եվրո։

Ալեքս Տելեսը 2016 թվականից հանդես է գալիս «Պորտուի» կազմում, որի մարզաշապիկով ընդհանուր առմամբ մասնակցել է 195 հանդիպման՝ դառնալով 26 գոլի և 57 գոլային փոխանցման հեղինակ։