ՖԻՖԱ-ն որոշում է կայացրել` կապված Էկվադորի հավաքականի հետ

Ինչպես տեղեկացնում է ՖԻՖԱ-ի պաշտոնական կայքը, Էկվադորի հավաքականը չի զրկվի ԱԱ-2022-ի ուղեգրից։

Հիշեցնենք, որ Չիլիի հավաքականի փաստաբան Էդուարդո Կարլեզոն պնդում էր, թե Էկվադորի եզրային պաշտպան Բայրոն Կաստիլիոն կեղծել է մի շարք անձնական տվյալներ։

Նա հայտարարել էր, թե Կաստիլիոն կոլումբացի է և իրավունք չի ունեցել ներկայացնել Էկվադորը։

Չիլին դիմել էր ՖԻՖԱ-ին` պահանջելով Էկվադորի հավաքականի անվան դիմաց պարտություն գրանցել այն 8 խաղերում, որոնց Կաստիլիոն մասնակցել էր ԱԱ-2022-ի ԿՈՆՄԵԲՈԼ-ի գոտու որակավորման փուլի շրջանակում։

Այդուհանդերձ, ՖԻՖԱ-ն մերժել է Չիլիի հավաքականի բողոք-հայտը, ինչի արդյունքում Էկվադորի հավաքականը չի զրկվել աշխարհի առաջնությանը մասնակցելու իրավունքից։

Հավելենք, որ Էկվադորի հավաքականը Քաթար-2022-ի ԿՈՆՄԵԲՈԼ-ի գոտու որակավորման փուլի շրջանակում, վաստակած 26 միավորով, զբաղեցրեց 4-րդ հորիզոնականն ու պատմության մեջ երրորդ անգամ նվաճեց աշխարհի առաջնության խմբային փուլի ուղեգիր։

Գոնսալո Ալֆարոյի թիմը մրցաշարի շրջանակում ընդգրկվել է A խմբում և կմրցի Հոլանդիայի, Սենեգալի ու Քաթարի հավաքականների դեմ։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am