Օրանգուտան Վալտերը կանխատեսել է Գերմանիա – Շոտլանդիա հանդիպման ելքը 🎥
Օրանգուտան (Խմբ.` Կապիկի ցեղատեսակ) Վալտերը, որը պահվում է Դորտմունդի կենդանաբանական այգում, կանխատեսել է Եվրո-2024-ի բացման` Գերմանիա – Շոտլանդիա հանդիպման ելքը։
Reuters-ը գրում է, որ օրանգուտանը կանխատեսել է Գերմանիայի հավաքականի հաղթանակը։
«Վալտերը կանգնեց երկու դույլերի առջև, նայեց դրանց, իսկ այնուհետև շատ վստահ քայլեց դեպի գերմանական շարֆով փաթաթված դույլի կողմը։ Ամենայն հավանականությամբ` Գերմանիան կհաղթի։ Բայց նա շարժվեց նաև դեպի Շոտլանդիանի դույլը, այդ պատճառով, հավանաբար, Շոտլանդիան նույնպես մոտ կլինի հաղթանակին»,- նշել է Դորտմունդի կենդանաբանական այգու աշխատակից Մարսել Սվինոգան։
Հիշեցնենք, որ Գերմանիա – Շոտլանդիա հանդիպումը կայանալու է հունիսի 14-ին` Երևանի ժամանակով 23:00-ից սկսած։
Հ․Գ․ միացե՛ք Interfootball-ի Telegram-ի ալիքին https://t.me/Interfootball_am