Քեյն. «Հուսով եմ` այս հաղթանակը շրջադարձային կդառնա»

Չեմպիոնների լիգայի 1/8 եզրափակիչի պատասխան խաղում «Բավարիան» սեփական մարզադաշտում 3:0 հաշվով հաղթեց «Լացիոյին»։

Մյունխենյան ակումբի կազմից դուբլի հեղինակ դարձավ անգլիացի հարձակվող Հարի Քեյնը, ով հանդիպումից հետո կիսվել է տպավորություններով.

«Կատարյալ երեկո էր։ Սա, իրոք, մրցաշրջանի կարևոր պահերից էր, և մենք բարձր մակարդակի հանդիպում անցկացրինք։

Մենք բոլորի ուշադրության կենտրոնում էինք։ Բոլորը ցանկանում էինք տեսնել, թե ինչպես ենք արձագանքում առաջին խաղում կրած պարտությանը (0:1)։

Հուսով եմ` այս հաղթանակը շրջադարձային կդառնա, և կշարունակենք այսպես խաղալ մրցաշրջանի մյուս խաղերում»,- Քեյնի խոսքը մեջբերում է ՈՒԵՖԱ-ի պաշտոնական կայքը։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am