Փարիզ-2024. Գալստյանը պարտվեց և կպայքարի բրոնզե մեդալի համար

Հունահռոմեական ոճի Հայաստանի հավաքականի անդամ Սլավիկ Գալստյանը (67 կգ) պարտվեց կիսաեզրափակիչում։

Կիսաեզրափակիչում հայ ըմբիշը գոտեմարտեց Իրանի Իսլամական Հանրապետության ներկայացուցիչ Սայիդ Էսմայիլի Լեյվեսիի դեմ և պարտվեց 4:10 հաշվով։

27-ամյա Գալստյանն առաջին անգամ է մասնակցում Օլիմպիական խաղերին և օգոստոսի 8-ին կպայքարի բրոնզե մեդալակիր դառնալու համար։ Նրա մրցակիցը հայտնի կդառնա ավելի ուշ։

Աշխարհի առաջնության բրոնզե մեդալակիրը, Եվրոպայի առաջնությունների եռակի երրորդ մրցանակակիրը պայքարն սկսել էր 1/8 եզրափակիչից, որտեղ 3:2 հաշվով հաղթեց էկվադորցի Անդրես Ռոբերտո Մոնտանյո Արոյոյին, իսկ այնուհետև նույն հաշվով պայքարից դուրս թողեց Ֆրանսիան ներկայացնող Մամադասա Սիլային։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am