Տուխելը հետաքրքրված է անգլիական ակումբները գլխավորելու տարբերակով

Ինչպես հայտնի է, Թոմաս Տուխելն ազատվել է ֆրանսիական «Պարի Սեն-Ժերմենի» գլխավոր մարզչի պաշտոնից։

Sport Bild պարբերականի փոխանցմամբ 47-ամյա գերմանացի մասնագետը հետաքրքրված է անգլիական «Արսենալ» կամ «Մանչեսթեր Յունայթեդ» տեղափոխությամբ։

«Զինագործների» մարզիչ Միկել Արտետան առայժմ ձախողում է թիմի ելույթները․ «Արսենալն» այս պահին ԱՊԼ 15-րդ հորիզոնականում է՝ 14 խաղից հետո վաստակած նույնքան միավորներով։

«Մանչեսթեր Յունայթեդն» այս պահին առաջնությունում եզրափակում է լավագույն եռյակը, սակայն Օլե-Գունար Սուլշերի թիմը ձախողեց Չեմպիոնների լիգայի 2020/21 խաղարկությունը՝ չհաղթահարելով խմբային փուլի արգելքը։