Վիլաշ-Բոաշը մերժել է Նյուքասլի առաջարկը

«Մարսելի» գլխավոր մարզիչ Անդրե Վիլաշ-Բոաշը մերժել է «Նյուքասլը» գլխավորելու առաջարկը, որը շուտով նոր սեփականատեր կունենա։

Ինչպես տեղեկացնում է Get French Football News-ը՝ հղում կատարելով  L’Equipe-ին, անգլիական ակումբը 42-ամյա պորտուգալացի մասնագետի աշխատավարձ է առաջարկել, որը գերազանցել է նրա ներկայիս աշխատավարձի չափին, սակայն Վիլաշ-Բոաշը մերժել է այն։

Հիշեցնենք, որ «կաչաղակների» նոր սեփականատերն է դառնալու Սաուդյան Արաբիայի արքայազն Մոհամեդ բին Սալմանը, որի կարողությունը գնահատվում է մոտ 300 մլրդ եվրո։