Սևիկյանը հաղթական գոլ խփեց «Ֆերենցվարոշի» կազմում 🎥

Հունգարիայի չեմպիոն «Ֆերենվարոշն» ընկերական խաղում 2:1 հաշվով հաղթել է Գերմանիայի Երկրորդ Բունդեսլիգան ներկայացնող «Կալրսռուեին»։

«Ֆերենցվարոշի» կազմում 75-րդ րոպեին փոխարինման է դուրս եկել Հայաստանի ազգային հավաքականի կիսապաշտպան Էդգար Սևիկյանը և 82-րդ րոպեին գրավել մրցակցի դարպասը` հաղթանակ պարգևելով իր թիմին։

Ռոբի Քինի գլխավորած թիմից հաշիվն էլ բացել էր «Լիվերպուլի» նախկին կիսապաշտպան Նաբի Կեյտան։

23-ամյա Սևիկյանը հունգարական ակումբ վերադառնալուց հետո առաջին գոլն է խփել։ Նա 2024/25 մրցաշրջանում վարձավճարով հանդես է եկել Մոսկվայի «Լոկոտիվում», որի կազմում 20 խաղում դարպասի ոչ մի գրավմամբ աչքի չէր ընկել։

«Ֆերենցվարոշի» հաջորդ հանդիպումը կկայանա հուլիսի 22-ին կամ 23-ին Չեմպիոնների լիգայի որակավորման երկրորդ փուլում։ Հայաստանի չեմպիոն «Նոան» չեռնոգորական «Բուդուչնոստի» արգելքը հաղթահարելու դեպքում կհանդիպի հենց «Ֆերենցվարոշին»։

Հունգարիայի առաջնությունում Բուդապեշտը ներկայացնող ակումբը պայքարը կսկսի հուլիսի 26-ին` ՄՏԿ-ի դեմ խաղով։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am

Հ.Գ.Գ. Ֆուտբոլային մարզաշապիկներ կարող եք ձեռք բերել isport օնլայն խանութից