Ռոման ջախջախեց Սալերնիտանային. Մխիթարյանը` գոլային փոխանցման հեղինակ🎥

Իտալական Ա սերիայի 2-րդ տուրի շրջանակում «Ռոման» հյուրընկալվելիս մրցեց առաջնության նորեկ «Սալերնիտանայի» դեմ։

Գոլազուրկ առաջին խաղակեսից հետո երկրորդում «գայլերը» տոտալ առավելություն ունեին և չորս անպատասխան գնդակ ուղարկեցին Սալերնան ներկայացնող ակումբի դարպասը։

Հռոմեական ակումբի կազմից դուբլի հեղինակ դարձավ Լորենցո Պելեգրինին, իսկ մեկան անգամ աչքի ընկան Ժորդան Վերետուն և Թեմի Աբրահամը։ Վերջինս «Ռոմայի» կազմում իր անդրանիկ գոլը խփեց պաշտոնական խաղերում։

Հավելենք, որ Ժոզե Մոուրինիոյի թիմի կազմից հանդիպմանը մասնակցեց նաև Հենրիխ Մխիթարյանը, ով փոխարինվեց 70-րդ րոպեին։ Հենոն Վերետուլի ժամանակ կատարեց վերջին փոխանցումը` իր անվան դիմաց գրանցելով ասիստ։

Այսպիսով, «Ռոման» 4:0 հաշվով ջախջախեց «Սալերնիտանային», վաստակեց 6 միավոր և մի շարք ակումբների հետ կիսում է 1-5-րդ հորիզոնականները. «գայլերը» լրացուցիչ ցուցանիշներով 3-րդն են։

«Սալերնիտանան» դեռևս միավոր չունի և զբաղեցնում է 18-րդ հորիզոնականը։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am