Ռոման Բերեզովսկին ժամանել է Երևան․ նրան դիմավորել են Փյունիկի երկրպագուները
08/01/2020 - 01:33
Հայաստանի հավաքականի լեգենդար դարպասապահ Ռոման Բերեզովսկին ժամանել է Երևան և մոտ օրերս կգլխավորի «Փյունիկը»։
«Փյունիկի» «Sector 18» երկրպագուական միավորումը լեգենդար ֆուտբոլիստին դիմավորել է Զվարթնոց օդանավակայանում։ Այս մասին տեղեկանում է ֆան-շարժման Facebook-ի պաշտոնական էջից։
Ռոման Բերեզովսկին «Փյունիկում» աշխատանքը կսկսի տոներից հետո։ Այժմ ակումբը գլխավորում է Սուրեն Չախալյանը, ով փոխարինել էր Ալեքսանդր Տարխանովին։
Այս մրցաշրջանում Ռոման Բերեզովսկին աշխատում էր Հայաստանի հավաքականի և ռուսական «Սոչիի» մարզչական շտաբերում: Նոյեմբերի 20-ին նա նշանակվեց նաև «Սոչիի» գլխավոր մարզչի պաշտոնակատար, սակայն դեկտեմբերի 8-ին ռուսական ակումբը հայտնեց Վլադիմիր Ֆեդոտովի նշանակման մասին:
# Sector18, Ռոման Բերեզովսկի, Փյունիկ