Ռեյմսի դարպասապահը լուսանկար է խնդրել Լեո Մեսսիից իր որդու համար🎥

Ֆրանսիական Լիգա 1-ի 4-րդ տուրի շրջանակում ՊՍԺ-ն հյուրընկալվելիս 2:0 հաշվով հաղթել է «Ռեյմսին»։

Հանդիպման 66-րդ րոպեին փարիզյան ակումբի կազմում փոխարինման դուրս եկավ Լեո Մեսսին, ով նորամուտը նշեց «Պարի Սեն-Ժերմենի» մարզաշապիկով։

Հանդիպման ավարտից հետաքրքիր դրվագ է տեղի ունեցել։

Մեսսին երբ ուղևորվում էր հանդերձարան, նրան է մոտեցել «Ռեյմսի» դարպասապահ Պրեդրագ Ռայկովիչն ու խնդրել, որպեսզի արգենտինացի ֆուտբոլիստը լուսանկարվի իր որդու հետ։

Մեսսին չի մերժել սերբ դարպասապահի խնդրանքը, և գրկելով նրա որդուն, լուսանկարվել է նրա հետ։ Լուսանկարն արել է հենց Ռայկովիչը։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am